Дубай эл аралык аэропорту бүгүнкү күндө алгачкы жүргүнчү учагын учурду. Бул тууралуу ТАСС агенттиги авиадиспетчерлердеги булакка таянып жазып чыкты.
"Борт Самаркандга учту, бул бүгүнкү күндөгү биринчи рейс", — деп маалымдады агенттик менен сүйлөшкөн булак.
Мындан бир нече саат мурун шаар бийлиги Дубай аэропорттору 2-март күнү кечинде ишин калыбына келтирерин билдирген. Бирок рейстердин саны чектелген. Жүргүнчүлөргө авиакомпаниядан түз кабар албаса, аэропортко барбоого кеңеш берилди.