БАЭ лидерлери коопсуздукту көрсөтүү максатында коомдук жайга барышты

Дубайдын ханзаадасы Хамдан бин Мохаммед Аль Мактум, БАЭнин президенти Мухаммед бин Заид Аль Нахайян жана коргоо министри Мохаммед бин Мубарак Аль Мазруи Дубайдагы соода борборлорунун биринде эл арасында пайда болуп, кадимки эле коомдук жайда кечки тамак ичишти.

Жогорку даражалуу жетекчилер өлкөдө жана аймакта чыңалган кырдаал жаралган шартта эл арасына чыгып, коомчулук менен бирге болууну туура көрүшкөн. Алардын коомдук жайда эркин жүрүп, жөнөкөй форматта тамактанганы коомчулук тарабынан колдоо иретинде жана өлкөдөгү туруктуулукту, коопсуздукту көрсөтүүчү белги катары бааланууда.

Бул кадам жетекчиликтин эл менен ачык экенин жана кырдаал көзөмөлдө экенин көрсөтүүнү максат кылганы белгиленүүдө.

Автор: Айзада Кыдырмышева