Сауд Арабиясында үч дрон атып түшүрүлдү

Сауд Арабиясынын абадан коргонуу күчтөрү Эр-Рияддын чыгыш тарабынан учуп келген үч дронду атып түшүрдү. Бул тууралуу чет элдик басылмалар падышалыктын Коргоо министрлигине таянып билдиришүүдө.

"Абадан коргонуу күчтөрү Эр-Рияддын чыгыш тарабынан учуп келген үч учкучсуз учуучу аппаратты жок кылды",- деп айтылат министрликтин билдирүүсүндө.

Ошондой эле падышалыктын бийлиги учкучсуз учуучу аппарат кимге таандык экенин жана анын болжолдуу максатын ачыктаган жок. Бирок бул окуя Жакынкы Чыгыш өлкөлөрүндөгү объекттерге ракета жана дрондор аркылуу жасалган чабуулдар көбөйгөн учурда катталды.

Автор: Меерим Кабылова