Тажикстандын президенти Эмомали Рахмон Ирандын жаңы жогорку лидери Можтаба Хаменеини кызматка шайланышы менен куттуктады.
Чет элдик басылмалар билдиргендей, ал Иран жаңы жетекчилик менен бардык кыйынчылыктарды жеңип чыгарына ишенимин билдирип, эки өлкө ортосундагы кызматташтыкты мындан ары да бекемдөөгө даяр экенин айтты.
Эскерте кетсек, Ирандын жогорку лидери Али Хаменеи АКШ жана Израил жүргүзгөн аскердик операциянын биринчи күнү каза болгон. Андан кийин анын уулу жаңы жогорку лидер болуп шайланды.