АКШ Израилден Ирандын энергетикалык объекттерине чабуул жасабоону суранды

АКШ Израилден Ирандын энергетикалык тармагына жана мунай инфраструктурасына чабуул жасабоону суранды. Бул тууралуу АКШнын Axios басылмасына таянуу менен чет элдик маалымат каражаттары жазышты.

Андагы маалымат боюнча, АКШнын президенти Дональд Трамптын администрациясы Израилге Ирандын энергетикалык объекттерине, айрыкча мунай инфраструктурасына мындан ары сокку урбоо сунушун жөнөткөн.

Басылма белгилегендей, бул АКШ Иранга каршы операция башталгандан бери Израилдин аракеттерине биринчи жолу чектөө киргизгени болду.

Автор: Бурул Турусбекова