Украина-Орусия сүйлөшүүлөрү: Анкара коопсуздукту камсыздоого даяр экенин билдирди

Түркия тарап Украина-Орусия жогорку деңгээлдеги сүйлөшүүлөрүнүн коопсуздугун камсыздоого даяр. Бул тууралуу РИА Новости басылмасы Түркия президентинин администрациясына таянып жазды.

"Түркия Украинадагы жаңжалды жөнгө салуу боюнча сүйлөшүүлөрдө жогорку деңгээлде коопсуздукту камсыздоого даяр. Буга эч кандай күмөн болбошу керек",- деген администрациядан.

Буга чейин Түркиянын тышкы иштер министри Хакан Фидан Анкара Украинадагы жаңжалды тынчтык жолу менен жөнгө салуу боюнча сүйлөшүүлөр үчүн дагы бир жолу аянтча берүүгө даяр экенин билдирген. Анда Орусия, АКШ жана Украина өкүлдөрүнүн катышуусундагы сүйлөшүүлөр 11-мартка пландалып, Жакынкы Чыгыштагы кырдаалга байланыштуу анын мөөнөтү жылдырылган эле. Азырынча кезектеги сүйлөшүүлөрдүн датасы жана орду тууралуу маалыматтар айтыла элек.

Эске салсак, Орусия менен Украина буга чейин Стамбулда үч ирет сүйлөшүү өткөрүшкөн. Акыркысы Женевада 17-18-февралда өткөн болчу. Анын жыйынтыгында туткундарды алмашуу болгон. Мындан тышкары, Орусия курман болгон украин аскер кызматкерлеринин сөөгүн Киевге өткөрүп берген. Тараптар ошондой эле чыр-чатакты жөнгө салуу боюнча меморандум долбоорлорун алмашкан.