Оштогу мыйзамсыз курулуштар Жеңишбек Токторбаев кеткенден кийин билингени айтылды

Ош шаарындагы мыйзамсыз курулуштар Жеңишбек Токторбаев калаа мэрлигинен кеткенден кийин билинди. Бул тууралуу курулуш министри Нурдан Орунтаев билдирди.

"Биз Токторбаев кеткенден кийин жана ишкерлер "акчаларыбызды ала албай калдык" дешкенде билдик. Себеби, биз ойлогонбуз, мэрия бардык документтерди алып келип бизге тапшырат деп, бирок андай болгон жок. Анан биз сураштырсак, бир дагы документтер жок болгонун билдиришти",- деди ал.

Министр Орунтаев Ошто курулуп жаткан объекттердин тийиштүү документтери жок экенин, эми алар Курулуш министрлигине өткөрүлөрүн кошумчалады.

Автор: Кылымбек Бейшеев