Шри-Ланка Ирандын мунай сунушунан баш тартты

Шри-Ланка Иран сунуштаган мунай жеткирүүлөрү үчүн ыраазычылык билдирди, бирок бул мүмкүнчүлүктү пайдалана албай турганын маалымдады. Бул тууралуу чет элдик басылмалар жазышты.

Маалыматка ылайык, өлкөнүн министрлер кабинетинин өкүлү Налинда Жаятисса Шри-Ланкада өзүнүн мунай ташуучу танкерлеринин жоктугунан улам Ирандын сунушун ишке ашыруу мүмкүн эместигин айткан.

Анын сөзүнө ылайык, азыркы шартта Ирандан мунай жеткирүүнү өз танкерлери бар мамлекеттер гана пайдалана алат. Ошол эле учурда Шри-Ланка буга чейин бункердик отун жана жеңил мазут боюнча бир нече тапшырыктарды берген.

Расмий өкүл белгилегендей, тендерлердин шарттарына ылайык, өлкө апрель айында бир нече партия күйүүчү май алууну күтүп жатат.

Автор: Айзада Кыдырмышева