Жакынкы Чыгыштагы кырдаал: Жаракат алган америкалык аскерлердин саны аталды

АКШ менен Израилдин Иранга жасаган аскердик чабуулдарынан 290го жакын америкалык аскер кызматкери жаракат алды. Бул тууралуу CNN телеканалы АКШнын Борбордук командачылыгынын өкүлүнө таянып билдирди.

Анда кабарлангандай, 290 кызматкердин ичинен 255и кызматына кайтып келген. Дагы 10 аскердин абалы оор бойдон калууда.

Акыркы маалыматтарга ылайык, Жакынкы Чыгыштагы кырдаалдарда 13 америкалык аскер кызматкери курман болгон.

Эскерте кетсек, 28-февралда АКШ менен Израил Иранга кол салып, буга жооп катары Иран Жакынкы Чыгыштагы америкалык аскердик базаларга жана Израилдин шаарларына сокку урууда. Жаңжалдын алгачкы жумасында аба соккусунан Ирандын жогорку лидери Али Хаменеи каза болгон. Ушул күндөргө чейин уланган чабуулдардын кесепетинен миңдеген имараттар талкаланып, жүздөгөн адамдар каза болду.