Колумбиялык ырчы Шакиранын Катарда 1-апрелге пландалган концерти Жакынкы Чыгыштагы кырдаалга байланыштуу белгисиз мөөнөткө жылдырылды. Бул тууралуу эл аралык маалымат агенттиктери кабарлашты.
Концерттин уюштуруучусу "Platinumlist" компаниясы билдиргендей, учурда иш-чаранын жаңы датасын аныктоо боюнча иштер жүрүп жатат.
"Учурдагы аймактык кырдаалдан улам Дохадагы 974-стадиондо пландалган Шакиранын Las Mujeres Ya No Lloran аттуу гастролдук турне концерти кийинкиге жылдырылды",- деп айтылат маалыматта.