Испаниянын өкмөт башчысы: "Израил Ливанда Газадагыдай кыйроо жасагысы келет"

Израилдин премьер-министри Биньямин Нетаньяху Ливанга Газа тилкесиндегидей эле кыйроону алып келүүнү көздөйт. Бул пикирди Испаниянын премьер-министри Педро Санчес парламенттин төмөнкү палатасында сүйлөгөн сөзүндө айтты.

Ал АКШ менен Израилдин Ирандагы аскердик операциясынын терс кесепеттерин эске салды. Санчес Нетаньяхунун максаты "Ливанда Газадагыдай эле кыйроону жана азапты кайталоо" деп эсептейт.

Санчес мыйзамсыз согуштун козгоочулары Жакынкы Чыгыштагы кырдаалды туруксуздаштырууга жетишти деген пикирин билдирди.

"Бул чыныгы трагедия, анткени дүйнөгө эң акыркы керек болгон нерсе дагы бир согуш болчу, ал эми бул жолу бизди экономикалык, социалдык жана экологиялык максаттарыбыздан алаксыткан мыйзамсыз, абсурддук жана катаал согуш. Бул согуш чоң ката",- деди премьер-министр.