Соода борборунда "жеңил жолду" тандаган өспүрүм жаракат алды (видео)

Казакстандын Атырау шаарында 14 жаштагы өспүрүм соода борборунун 3-кабатынан кооптуу түшүү жасап, жеңил жаракат алды. Бул тууралуу казак басылмалары жазышты.

Полиция кызматы маалымдагандай, өспүрүм соода борборуна достору менен барган.

Ал 3-кабаттан кооптуу түшүү жасап, бирок кире бериштеги эшиктин конструкциясы баланын салмагын көтөрө алган эмес. Ал жеңил жаракат алып, текшерүүдөн кийин дарыгерлер аны үйүнө жөнөтүшкөн. Ал эми анын ата-энеси баланы тарбиялоодо өз милдеттерин так аткарбагандыгы үчүн административдик жоопкерчиликке тартылды.