АКШ Иранга согушту токтотуу боюнча 15 пункттан турган план сунуштады

АКШ Иран менен куралдуу кагылышты токтотуу үчүн 15 пункттан турган план иштеп чыкты. Бул тууралуу чет элдик басылмалар жазышты.

Кабарлангандай, Дональд Трамп жаңжалды токтотуу үчүн Тегеран менен сүйлөшүүгө умтулууда. Бирок бул сүйлөшүүлөрдүн түзүмү, ирандык катышуучулар жана келишим азырынча бүдөмүк бойдон калууда.

"Аталган план Пакистан аркылуу Иранга берилгенин ишенимдүү булактардын бири билдирди. 15 пунктта эмнелер камтылганы азырынча бүдөмүк бойдон калууда. Ага карабай Трамп ачык эле ар кандай келишимге Ирандын өзөктүк куралга ээ болушуна же жарандык максатта радиоактивдүү материалдарды байытуусуна тыюу салууну камтышы керек деп сунуштаган", - деп жазылат макалада.