Камчыбек Ташиевдин Жогорку Кеңештеги иш бөлмөсү депутат Курмантай Абдиевге берилет

Жогорку Кеңештин мурдагы депутаты Камчыбек Ташиевдин парламенттеги иш бөлмөсү депутат Курмантай Абдиевге берилет. Мындай чечим “Ата Журт” фракциясынын 24-январдагы жыйынында кабыл алынды. Фракция лидери Мыктыбек Абдылдаев: “Фракциядагы эң улуу депутат Курмантай Абдиевич, иш бөлмөнү ушул кишиге берели”,- деди.

Айта кетсек, буга чейин ал иш бөлмөдө Камчыбек Ташиевдин ордуна депутат болуп келген Бакыт Шаршеев иштеп келген. Ал эми Ташиевдин кызматтык унаасына таандык номур Бакыт Шаршеевдин унаасында калмай болду. “Мен 2 жыл мурунку номур менен эле жүрө берем, кеп номурда деле эмес”,- деди фракция лидери.

Автор: Автандил Добулбеков