Зеленский Сауд Арабиясына иш сапар менен барды

Украинанын президенти Владимир Зеленский Сауд Арабиясына иш сапар менен барды. Бул тууралуу ал өзүнүн Телеграм каналында жарыялады.

Анда украин лидери аны "маанилүү жолугушуулар" күтүп жатканын кошумчалап, бирок Эр-Риядда конкреттүү кайсы жолугушууларды өткөрөрүн ачыктаган эмес.

"Биз колдоону баалайбыз жана коопсуздук үчүн биз менен иштешүүгө даяр болгондорду колдойбуз",- деп жазган Зеленский.

Басылмалар жазгандай, сапардын алкагында Сауд Арабиясынын мураскер ханзаадасы Мохаммед бин Салман аль Сауд менен "коопсуздук боюнча кызматташуу" келишимине кол коюу пландаштырылууда. Тактап айтканда, тараптар “аба мейкиндигин коргоо” боюнча келишимге кол коюшу мүмкүн.

Автор: Айжанар Рыспек кызы
Фото: интернеттен алынды