Ирандагы кырдаал: Бендер-Пол шаарында аба соккусунан беш киши курман болду

Ирандын түштүк-батышындагы Хормозган провинциясындагы Бендер-Пол порт шаарындагы пристанга абадан сокку жасалып, кеминде беш киши каза болду.

Tasnim агенттиги билдиргендей, кол салуу учурунда эки кеме өрттөнүп, кеминде беш киши каза болгон. Дагы төрт адам жаракат алган.

"29-мартта эртең менен АКШ менен Израил Бендер-Пол порт шаарынын пристанына чабуул жасады. Бул кол салуунун натыйжасында 5 киши каза болуп, дагы 4 жаран жаракат алган", - деп айтылат билдирүүдө.

Басылма белгилегендей, кыйроонун масштабы жана жабыркагандардын саны боюнча маалымат такталууда.

Аталган калаа Перс булуңунун жээгинде жайгашкан.

Автор: Айжанар Рыспек кызы
Фото: интернеттен алынды