Трамп Ирандагы көптөгөн буталар жок кылынганын жарыялады

АКШнын президенти Дональд Трамп Ирандагы көптөгөн буталар табылганын жана жок кылынганын жарыялады.

"Иранда маанилүү күн. Дүйнөдөгү эң мыкты жана эң өлүмгө алып келүүчү биздин улуу куралдуу күчтөрүбүз көптөн бери издеп жүргөн көптөгөн буталар аныкталып, жок кылынды",- деп жазды Трамп TruthSocial социалдык тармагында. Бирок кайсы буталар экенин ачык айткан жок.

Буга чейин Financial Times гезитине берген маегинде АКШ Иранда жок кылына турган 3000дей бута калганын билдирген.

"Бизде болжол менен 3000 бута калды. Биз 13 000ди бомбаладык жана дагы бир нече миңди жок кылышыбыз керек",- деген эле Трамп.