Иран Ормуз кысыгы боюнча стратегиялык жеңишке жетти

Иран Ормуз кысыгынын үстүнөн кароону күчөтүп, аны дээрлик толугу менен жаап, дүйнөлүк энергия рыногунда өзүнүн таасирин күчөтө алды. Бул тууралуу Bloomberg агенттиги жазып чыкты.

Маалыматка ылайык, Ормуз кысыгы – дүйнөнүн негизги нефть жана газ жолдорунун бири. АКШ жана Израил 28-февралдан тартып Ирандын аймагындагы объектилерге соккуларды баштаганда, бул маршрут аркылуу деңиз транспорту дээрлик токтоп калган. Натыйжада көп мамлекеттерде күйүүчү май баалары көтөрүлгөн.

Bloomberg маалыматына караганда, март айында Ормуз аркылуу күнүнө орточо 6 гана кеме өткөн, ал эми мурда бул сан 135ке жеткен. Кемелер эми көбүнчө Иранга жакын аймактан, Тегеран көрсөткөн маршруттар менен өтүп, алдын ала коопсуздук тууралуу макулдашат.

Агенттик Ирандын Ормуз кысыгы аркылуу дүйнөлүк энергетикалык рынокторго түз таасир көрсөтө алганын, АКШнын бул кырдаалга эч кандай каршылык көрсөткөнүнө мүмкүн болбогонун белгиледи.

Ирандын бул кадамы - күчтүү аскерлерге карата асимметриялык, бирок натыйжалуу стратегиялык аракет катары бааланды.

Автор: Айзада Кыдырмышева