Жантөрө Сатыбалдиев “2026-жылы “Кумтөрдө” 400 тонна алтын калат”

“Биргелешкен ишкана түзүлүп иштесе 2026-жылга чейин “Кумтөрдө” 300 тонна алтын иштетилет”,- деди “Ата Журт” фракциясынын 24-январдагы жыйынында премьер-министр Жантөрө Сатыбалдиев. Айтымында, учурда “Кумтөрдөгү” алтындын кору 710 тонна.

“2026-жылы биз “Кумтөрдөгү” 400 тонна алтынды өзүбүз каалагандай иштетебиз. Жаңы келишимде биз эмнеге жетиштик? Үлүшүбүз эч кандай милдеттемелери жок 50х50 пайыз болду. Эч кандай милдеттемелери жок биргелешкен жаңы келишим түзүлөт. Жаңы ишкана Кыргызстанда каттоодон өтүп, Кыргызстандын мыйзамдары менен иштейт”,- деди Сатыбалдиев.

Автор: Автандил Добулбеков