Футбол: Италия үчүнчү ирет катары менен Дүйнө чемпиондугуна катышпайт

Италиянын фубол боюнча улуттук командасы плей-офф раундунун акыркы беттешинде Босния жана Герцеговина курамасына пенальтилер сериясында утулуп, жолдомодон куру калды.

Беттеш Зеница шаарында өтүп, негизги убакыт 1:1 эсебинде тең чыгуу менен аяктады. Кошумча убакытта дагы эсеп өзгөргөн жок. Натыйжада жеңүүчү пенальтилер сериясында аныкталып, анда босниялыктар 4:1 эсебинде үстөмдүк кылышты.

Бул жеңилүү менен Италия тарыхында үчүнчү ирет катары менен дүйнөлүк чемпиондукка катышпай калды. Буга чейин курама 2018-жылкы жана 2022-жылы Футбол боюнча дүйнө чемпиондугуна да жолдомо ала алган эмес.

2026-жылкы Дүйнө чемпиондугу 11-июндан 19-июлга чейин АКШ, Канада жана Мексикада өтөт. Бул ирет турнирге 48 команда катышып, дүйнөлүк футбол тарыхындагы эң ири чемпиондук болот.

Автор: Максуда Кудайбердиева