Дональд Трамп АКШнын Жогорку Сотун катуу сынга алды

АКШ президенти АКШнын Жогорку Соту тарабынан каралып жаткан жарандык берүү маселесине байланыштуу нааразы пикирин билдирди. Бул тууралуу чет элдик басылмалар жазышты.

Бейшемби күнү ал өзүнүн Truth Social баракчасына: “Бул сот эмес, пародия!” - деп жазды.

Буга чейин, 2025-жылдын январь айында, Дональд Трамп АКШда төрөлгөн чет элдик жарандардын балдарына автоматтык түрдө жарандык берүү тартибин токтотуу тууралуу жарлыкка кол койгон. Бул чечим өлкөнүн Конституциясынын 14-түзөтүүсүнө негизделген көп жылдык практиканы өзгөртүүгө багытталган.

Учурда Трамптын администрациясы бул жарлыктын мыйзамдуулугун баалоо үчүн Жогорку Сотко кайрылып, талкуу жүрүп жатат.

Автор: Айзада Кыдырмышева