Трамп АКШнын башкы прокурорун кызматтан алды

АКШнын президенти Дональд Трамп Пэм Бондини башкы прокурорлук кызматтан алды. Бул тууралуу АКШ президенти америкалык Truth Social социалдык тармагындагы баракчасында билдирди.

Убактылуу башкы прокурордун милдетин анын орун басары Тодд Бланш аткарат.

"Пэм Бонди Америка үчүн чыныгы патриот жана менин ишенимдүү досум. Өткөн жылы ал башкы прокурор катары милдеттерин талыкпай аткарды. Пэм өлкө боюнча кылмыштуулукту азайтуу боюнча зор иштерди жасады, натыйжада кылмыштардын саны 1900-жылдан бери эң төмөнкү деңгээлге түштү. Биз Пэмди жакшы көрөбүз",- деп жазган Трамп.

Айрым басылмалар Трамптын чечимин бир катар чыр-чатактарга байланыштырууда, анын ичинде финансист Жеффри Эпштейн боюнча Бондинин аракеттерине нааразы экенин белгилешүүдө.

Автор: Меерим Кабылова
Фото: Интернеттен алынды