Мерц жана Трамп НАТО келечегин жана трансатлантикалык мамилелерди талкуулашты

Германиянын канцлери Фридрих Мерц менен АКШнын президенти Дональд Трамп телефон аркылуу сүйлөшүп, НАТО уюмунун келечеги жана трансатлантикалык мамилелерди талкуулашты. Бул тууралуу чет элдик басылмалар жазышты.

Германиянын өкмөтүндөгү булактарга таянып, Der Spiegel басылмасы жазгандай, сүйлөшүүдө альянстын биримдигин сактоо негизги темалардын бири болгон.

Мындан тышкары тараптар Иран айланасындагы жаңжал боюнча макулдашылган ок атышпоону жана АКШ менен Европанын ортосундагы кызматташуунун келечегин да талкуулашкан.

Автор: Айзада Кыдырмышева