Кытай алдыдагы жумаларда Иранга абадан коргонуу системдерин жеткирет

Кытай Иранга жаңы абадан коргонуу системдерин үчүнчү өлкөлөр аркылуу жеткирүүнү көздөп жатканын CNN ишемби күнү булактарына шилтеме кылып жазды.

Телеканалга 2 булагы Пекин андай жабдууларды алардын чыныгы келип чыгышын жашыруу үчүн үчүнчү өлкөлөр аркылуу жөнөтүү боюнча иштеп жатканы тууралуу белгилер бар экенин айтышкан.

Булактардын маалыматы боюнча, Пекин өткөрүп берүүгө даярданып жаткан системдер – бул адам көтөрүп жүрүүчү абадан коргонуу системдери.

"Алар беш жумалык согуш учурунда АКШнын аба күчтөрүнүн жапыз учкан учактарына асимметриялык коркунуч келтирген жана эгерде ок атышууну токтотуу бузулса, кайрадан коркунуч келтириши мүмкүн", - деп билдирди канал.

CNN'дин маалыматы боюнча, Кытайдан Иранга жеткирүү жакынкы бир нече жуманын ичинде ишке ашырылат.