Испания Ирандагы элчилигинин ишин жандантты

Испания Тегерандагы элчилигинин ишин жандантты. Бул тууралуу дипломатиялык өкүлчүлүк X социалдык тармагына жазды.

"Элчи Антонио Санчес-Бенедито Гашпар өзүнүн дипломатиялык командасы жана жергиликтүү кызматкерлери менен тынчтыкты сактоого умтулуу аркылуу ишин улантууда",- деп айтылат анда.

Испания ТИМинин башчысы Хосе Мануэль Альбарес Тегерандагы элчиликти 9-апрелде ачуу ниетин билдирген. Мындай чечим АКШ лидери Дональд Трамптын элдешүү тууралуу билдирүүсүнөн кийин кабыл алынган.

Белгилей кетсек, испан дипломаттары АКШ менен Израил Иранга аскердик операция баштаганда эвакуация болгон.

Автор: Айжанар Рыспек кызы
Фото: интернеттен алынды