Трамп: “АКШ Ирандан ядролук материалды алып коюшу мүмкүн”

АКШнын президенти Дональд Трамп Fox News телеканалына берген маегинде Вашингтон Ирандын ядролук программасына байланыштуу катуу позициясын билдирди.

Анын айтымында, Иран эч качан ядролук куралга ээ болбошу керек жана бул боюнча келишимге жетишүү негизги шарт болуп саналат.

“Иран ядролук куралга ээ болбойт. Бул тууралуу айтыңыздар. Эгер алар макул болбосо, келишим болбойт. Биз же алардан алабыз, же өзүбүз алып коёбуз”, - деди Трамп.

Ал ошондой эле АКШ “ядролук куралды 47 жылдан бери дүйнөдө башаламандык жаратып келген адамдарга ишене албай турганын” белгиледи.

Трамптын айтымында, АКШнын максаты – Ирандын ядролук куралга ээ болушун алдын алуу жана мүмкүн болгон чоң масштабдагы кооптуулукту токтотуу.

Автор: Айзада Кыдырмышева