"Арсеналдын" мурдагы дарбазачысы Маннингер каза болду

Лондондук "Арсенал" клубунун жана Австриянын футбол боюнча курама командасынын мурдагы дарбазачысы Алекс Маннингер 48 жашында жол кырсыгынан каза болду.

Бул тууралуу Red Bull Salzburg басылмасы Х социалдык тармагына жазды.

Маалым болгондой, кырсык 16-апрелде Австриядагы Нусдорф-ам-Хаунсберг аймагындагы темир жол кесилишинде болуп, анын унаасы поезд менен кагышкан. Спортчу кырсык болгон жерден каза болгон.

Маннингер "Арсеналда" 1997-жылдан 2002-жылга чейин оюн көрсөткөн. Ал ошондой эле италиялык "Фиорентина" жана "Торино", немистердин Ганновер жана Гамбург, англиялык "Лидс" жана "Фулхэм" клубдарында ойногон.

Ал Австрия курама командасы үчүн 33 беттеш өткөргөн.

Автор: Айжанар Рыспек кызы
Фото: интернеттен алынды