НАТО: "Испаниянын мүчөлүгүн токтотуу мүмкүн эмес"

НАТО альянсы Испаниянын мүчөлүгүн токтотуу же аны уюмдан чыгаруу мүмкүн эместигин билдирди. Бул тууралуу чет элдик басылмалар жазышты.

Маалыматка ылайык, альянстын уставында мүчөлүктү убактылуу токтотуу же өлкөнү чыгарып салуу тууралуу жобо каралган эмес. Бул тууралуу белгисиз булак британдык ЖМКга билдирген.

Буга чейин Reuters агенттиги АКШ Испаниянын Иранга каршы операцияга катышуудан баш тартканы үчүн анын мүчөлүгүн токтотуу мүмкүнчүлүгүн карап жатканын кабарлаган.

Ошентсе да, азыркы эрежелерге ылайык, мындай чечимди ишке ашыруу мүмкүн эмес экени белгиленди.

Автор: Айзада Кыдырмышева