Габондо америкалык миллионерди пилдер тебелеп өлтүрдү

Габондо аңчылык учурунда АКШдан келген миллионер трагедиялуу түрдө каза болду. Бул тууралуу Daily Mail басылмасы Collect Africa аттуу сафари уюштуруучу компанияга таянып жазып чыкты.

Маалыматка ылайык, 76 жаштагы Эрни Дозио аңчылык учурунда пилдердин үйүрүнө туш болуп калган. Жапайы жаныбарлардын капыстан кол салуусунан улам ал каза тапкан.

Каза болгон Дозио Калифорниядагы ишкер болуп, көп жылдан бери Африка жана Америка аймактарында аңчылык менен алектенип келген. Ал экзотикалык жаныбарлардын олжолорун чогултуп жүргөнү айтылат.

Окуя Габондогу борбордук аймакта болгон.

Автор: Айзада Кыдырмышева