Трамп үч күндө Ирандын мунай инфраструктурасына сокку жасарын айтты

АКШнын президенти Дональд Трамп Ирандын мунай инфраструктурасына сокку урарын айтып, ага үч күн калганын билдирди. Бул тууралуу Трамп Fox News телеканалына берген маегинде айткан.

Анын айтымында, АКШ менен Ирандын ортосундагы жаңжалда бардык артыкчылыктар Вашингтондо.

"Чыныгы жарылуу болот. Буга болгону үч күн калды. Эгер жарылуу болсо, Ирандын мунай инфраструктурасын мурдагы калыбына келтирүү дээрлик мүмкүн болбойт", - деген АКШнын лидери.

Ошодой эле Трамп бул жаңжалда АКШ жеңишке жетерин кошумчалаган.

Автор: Бурул Турусбекова