Ирандын ТИМ башчысы Путин менен жолугушуу өткөрөт

Ирандын тышкы иштер министри Аббас Аракчи Санкт-Петербург шаарында Орусиянын президенти Владимир Путин менен сүйлөшүү өткөрөт. Бул тууралуу IRNA агенттиги маалымдады.

Маалыматка ылайык, министр дүйшөмбү күнү эртең менен Санкт-Петербург шаарына барып, эки тараптуу жолугушуу өткөрүүнү пландаган. Ирандын Москвадагы элчисинин айтымында, бул сапардын негизги максаты - жаңжал учурунда Ирандын позициясын бекемдөө.

Белгилүү болгондой, учурда АКШ менен Иран ортосундагы абал туруктуу эмес, эки тараптуу сүйлөшүүлөр качан улантылары да белгисиз. Иран тарап сүйлөшүүлөрдү кайра баштоо үчүн өзүнүн талаптарын атады. АКШ бийлиги дагы өз позициясын карманууда.

Автор: Бурул Турусбекова