Трамп катышкан иш-чарада ок чыгарууга шектүү алдын ала мейманканага жайгашкан

АКШнын президенти Дональд Трамп катышкан расмий иш-чара учурунда болгон ок атышуу боюнча шектүү окуяга бир күн калганда эле мейманканага жайгашканы белгилүү болду. Бул тууралуу The Wall Street Journal укук коргоо органдарына таянып жазды.

Маалыматка ылайык, 31 жаштагы шектүү Вашингтондогу Washington Hilton мейманканасында алдын ала номер брондоп, ошол жерде бир күн мурда жайгашкан. Бул ага имараттын ичин жакшыраак билүүгө мүмкүнчүлүк берген.

Окуя ишемби күнү кечинде АКШнын борбору Вашингтон шаарындагы мейманканада өтүп жаткан жыл сайынкы кечки банкет учурунда болгон. Иш-чарага Ак үйдүн журналисттери жана мамлекеттик кызматкерлер катышкан.

Ок атылган учурда мейманканада US Secret Service кызматкерлери тез арада эвакуация жүргүзүшкөн. Дональд Трамп жана анын жубайы да коопсуз жайга чыгарылган.

Кагылышууда бир коопсуздук кызматкери жаракат алып, шектүү ошол замат кармалган. Мейманканада 1000ден ашык номер жана бир нече конференц-зал болгон.

Автор: Айзада Кыдырмышева