Элчи: “АКШ-Британия байланышы мурдагыдай өзгөчө эмес”

Financial Times басылмасы жазгандай, Британиянын АКШдагы элчиси Кристиан Тернер АКШ бүгүнкү күндө “өзгөчө мамилени” негизинен Израил менен сактап жатканын билдирди.

Анын айтымында, мурда Лондон менен Вашингтондун байланышын сүрөттөө үчүн колдонулуп келген “өзгөчө мамиле” түшүнүгү азыр көбүнчө тарыхый мааниге ээ болуп калды. Элчи бул тууралуу февраль айында британ студенттери менен жолугушууда айткан.

Тернер белгилегендей, учурдагы геосаясий шартта АКШнын артыкчылыктуу өнөктөштүгү Израил менен көбүрөөк байланыштуу болуп жатат.

Автор: Айзада Кыдырмышева