Кытайда бут кийимди автомат аркылуу жеке өлчөмгө жараша тандап берүү кызматы пайда болду

Кытайда соода борборлорунда орнотулган атайын вендинг автоматтары кардарларга бут кийимди так өлчөмүнө жараша тандап берүү мүмкүнчүлүгүн түзүүдө. Бул тууралуу социалдык тармактарда тараган видеолор кеңири талкуу жаратты.

Маалыматка ылайык, автомат аркылуу буттун жөн гана өлчөмү эмес, анын толуктугу, тамандын көтөрүлүшү, сөөктүн чыгып турушу жана манжалардын жайгашуусу сыяктуу өзгөчөлүктөр да эске алынат. Кардар алгач үлгү бут кийимдерди кийип көрүп, өзүнө ылайыктуу калыпты аныктайт. Бул маалыматтар атайын тиркемеге сакталат.

Андан соң алгоритмдер колдонуучуга жеке параметрлерине ылайык бут кийимдерди сунуштайт. Колдонуучу каалаган брендди, түстү, форманы же платформаны тандап, онлайн төлөм жүргүзүп, үйүнө жеткирүү кызматы аркылуу буюртма алат. Жеткирүү болжол менен бир жуманын ичинде ишке ашат.

Автор: Айзада Кыдырмышева