АКШнын президенти Дональд Трамп 13-майда Кытайга мамлекеттик сапар менен барат. Бул тууралуу Кытайдын Тышкы иштер министрлиги билдиргенин "Синьхуа" басылмасы жазды.
"Кытайдын төрагасы Си Цзиньпиндин чакыруусу менен АКШ президенти Дональд Трамп 13-майдан 15-майга чейин Кытайга мамлекеттик сапар менен келет",- деп айтылат расмий билдирүүдө.
Буга чейин америкалык тарап Трамптын Кытайга сапары 14-15-майга белгиленгенин кабарлаган.
Басылма белгилегендей, бул АКШ президентинин 2017-жылдан бери Кытайга жасаган алгачкы сапары болмокчу.