Израил менен Ливандын өкүлдөрү Вашингтондо АКШнын ортомчулугу астында өтүүчү сүйлөшүүлөрдүн үчүнчү айлампасын баштады. Бул тууралуу "Ynet" басылмасы израилдик булактарына таянуу менен жазды.
Алдын ала маалыматтарга ылайык, жолугушуу Мамлекеттик департаменттин имаратында өтүүдө.
"Reuters" жазгандай, бүгүн Вашингтондогу сүйлөшүүлөрдө Ливан Израил менен ок атышууну токтотууга ниеттенүүдө.
Белгиленгендей, Ливан менен Израилдин өкүлдөрү 2-мартта согуштук аракеттер кайра жандангандан бери 3-жолу сүйлөшүүлөрдү өткөрүп жатышат.