Трамп: “Кытайда мени Путинден да жакшы тосуп алышкан”

АКШнын президенти Дональд Трамп Кытайдагы кабыл алуу аземи боюнча пикирин билдирип, аны Орусия президенти Владимир Путин менен салыштырды.

Анын айтымында, Кытайга болгон сапарында өзүн жогорку деңгээлде тосуп алышкан.

“Менимче, алардын аземи меникиндей таасирдүү болгон жок. Мен көрдүм. Биз алардан ашып түштүк”, - деди Трамп америкалык журналисттерге.

Ошондой эле ал Владимир Путин менен Кытай лидери Си Цзиньпин ортосундагы жолугушууну колдой турганын белгиледи.

Эске салсак, Орусия президенти 19–20-май күндөрү Кытайда расмий сапар менен болгон.

Автор: Айзада Кыдырмышева