Эбола илдетин жуктуруп алуу коркунучу кимдер үчүн жогору экени айтылды

Улгайган жана кант диабети менен ооруган адамдарда эбола вирусун жуктуруп алуу коркунучу жогору. Бул тууралуу аталган вирус менен күрөшүп келген угандалык дарыгер Элайжа Кииза билдиргенин чет өлкөлүк ЖМКлар маалымдашты.

Маалыматка ылайык, аталган дарыгер эбола оорусу менен күрөшүп келген эң тажрыйбалуу даргерлердин катарын толуктайт.

"Ооруну жуктуруп алуу тобокелдиги карыган адамдар арасында күч. Адатта, алардын иммунитети төмөн болот. Ошондой эле кант диабети менен ооругандар да бул илдетке бат чалдыгышы мүмкүн",- деген дарыгер.

Мындан тышкары, кош бойлуу аялдар арасында да илдетти жуктуруп алуу коркунучу жогору экенин кошумчалаган дарыгер.

Автор: Бурул Турусбекова