Трамп Иранга эскертүү берди: Ормуз кысыгы боюнча маалымат жалган болсо, сүйлөшүүлөр токтойт

АКШнын президенти Дональд Трамп Иран Ормуз кысыгы аркылуу өткөн кемелерден эч кандай төлөм алынбай турганын Вашингтонго расмий билдиргенин айтты.

Анын айтымында, Тегеран кемелерден өтүү акысы, камсыздандыруу төлөмдөрү же башка жыйымдар алынбай турганын билдирген. Трамп бул маалыматты Иранга байланыштуу айрым маалымат каражаттарында тараган кабарларга жооп катары жарыялады.

Ошол эле учурда АКШ лидери эгер Иран тарабынан берилген маалымат жалган болуп чыкса, Вашингтон менен Тегерандын ортосундагы сүйлөшүүлөр дароо токтотуларын эскертти.

Ормуз кысыгы – дүйнөдөгү эң маанилүү деңиз соода жолдорунун бири. Ал аркылуу дүйнөлүк мунай ташууларынын олуттуу бөлүгү өтөт.

Автор: Айзада Кыдырмышева