Баткенде дарыяга агып кеткен жаранды издөө иштери жүрүүдө

Баткен районунда Кожошкен дарыясына агып кеткен 48 жаштагы жаран изделүүдө. Бул тууралуу Баткен облустук милициясынан маалымдашты.

Маалыматка караганда, окуя 10-августта саат 18:00 чамасында Кожошкен жайлоосунун Кулп жерлигинде болгон. Дарыяга Баткен районунун Чоң-Кара айылынын тургуну Дайырбек Базарбаев агып кеткен.

Учурда издөө иштерине кошумча күчтөр тартылып, Зардалы, Жылуу-Суу, Таян жана Ак-Турпак багыттарында жүргүзүлүүдө. Издөө иштери Баткен РИИБинин көзөмөлүндө.

Автор: Замира Ниязбекова