Белгилүү актёр Тим Карри 80 жашында көз жумду

Британия актёру жана ырчы Тим Карри 80 жашында дүйнөдөн кайтты. Бул тууралуу чет өлкөлүк маалымат каражаттары билдиришти.

Актёр 25-августта Лос-Анжелестеги үйүндө көз жумганын анын расмий өкүлү тастыктаган.

Карри көп жылдар бою ден соолугуна байланыштуу көйгөйлөр менен күрөшүп келген. Ал 2012-жылы оор инсульт алып, андан кийин майыптар арабасын колдонууга аргасыз болгон. 2025-жылы жарык көргөн мемуарында актёр инсульттан кийин башынан өткөргөн оор мезгили тууралуу жазган.

Тим Карри 1946-жылы 19-апрелде Англияда төрөлгөн. Ал өзгөчө үнү жана терс каармандардын образын чебер жаратканы менен белгилүү болчу.

Актёр дүйнөгө Стивен Кингдин чыгармасынын негизинде тартылган 1990-жылдагы "Ал" (Оно) мини-сериалындагы коркунучтуу клоун Пеннивайздын ролу аркылуу кеңири таанылган.

Мындан тышкары, Тим Карри "Үйдө жалгыз-2" (Один дома-2) тасмасында мейманкананын консьержи мистер Гектордун ролун аткарган. Анын чыгармачылык карьерасы театр, кино, телевидение жана үн менен иштөө тармактарын камтып келген.

Актёрдун өлүмүнүн расмий себеби азырынча жарыялана элек.

Автор: Үммүгүлсүн Кеңешбекова