Эрнис Кыязов: "Бизге моралдык-психологиялык жактан кысым көрсөтүлүп жатат"

Бүгүн, 3-февралда "ОшТВ" телеканалынын журналисттери Улуттук коопсуздук боюнча мамлекеттик кызматынын имаратынын алдына нааразылык акциясына чыгышты. “Баш кесмек бар, тил кесмек жок” акциясынын катышуучусу, журналист Эрнис Кыязов аталган телеканалдын бир нече жолу кысымга алынганын белгилеп өттү.

“Коомдук телеканал бербеген маалыматты биз бергенибиздин эмнеси жаман? Митинг учурунда 30 миң адамды 300-400 деп берип, “Кумтөрдү” 50*50 пайыздан берүү туура деп кол чаап отурганда биздин башка тарабын бергенибиз жаманбы? Моралдык-психологиялык жактан кысым көрсөтүлүп жатат”,- деди ал.

Автор: Айпери Ганыжан кызы, Аксана Паизова