Өлкөгө айрым курулуш материалдарын ташып келүүгө убактылуу тыюу салынды

Министрлер кабинети 14-сентябрда Кыргызстандын аймагына курулуш материалдарынын айрым түрлөрүн ташып келүүгө 6 айга тыюу салуу боюнча токтом кабыл алды.

Тиешелүү чечимге өкмөт башчы Адылбек Касымалиев кол койду.

Мындай чектөө бетон блоктору, кыш, плитка, айнек, алюминий жана жез кабелдерине тиешелүү болот.

Токтомдун максаты - ата мекендик курулуш материалдарын өндүрүүчүлөрдү коргоо, ички рынокту турукташтыруу, ошондой эле үчүнчү өлкөлөр тарабынан импорттук атаандаштык шарттарында өлкөнүн экономикалык (улуттук) коопсуздугун камсыз кылуу болуп саналат.

Автор: Айжанар Рыспек кызы
Фото: интернеттен алынды