Өкмөт жооп берет: Түркиянын жаранына турмушка чыгуу үчүн кандай документтерди чогултуу керек?

Урматтуу колдонуучу, сизде өкмөткө, ага тиешелүү министрликтерге берилүүчү суроолор жана чечилбеген маселелер барбы? Анда «Суперстандагы» «Өкмөт жооп берет» бөлүмүнө суроолоруңузду калтырыңыз. Суроолоруңузга тиешелүү тармактардын адистеринен жооп алып берүүгө даярбыз.

Суроо: - Түркиянын жаранына турмушка чыгуу үчүн кандай документтерди чогултуу керек? Суроо калтырган life-91

Жооп: - Эгерде кыргыз жараны түрк жаранына Кыргыз Республикасынын ичинде турмушка чыгып же үйлөнө турган болсо, төмөнкүлөрдү аткаруусу керек:

-Калкты жана жарандык абалдын актыларын каттоо департаментине тийиштүү арыз менен кайрылышы зарыл.

-Түркиянын жаранынын паспорту мамлекеттик же расмий тилге которулушу жана нотариалдык түрдө күбөлөндүрүлүшү керек.

-Түрк атуулу Түркия Республикасында башка никеси жок болгондугу тууралуу апостилденген маалымдамасын көрсөтүүсү абзел.

Эгерде кыргыз жараны түрк жаранына Түркия Республикасынын ичинде турмушка чыга же үйлөнө турган болсо, төмөнкүлөрдү кылышы зарыл:

-Түркия Республикасынын компетенттүү органына тийиштүү арыз менен кайрылышы кажет.

-Кыргыз жаранынын паспорту мамлекеттик тилге которулушу жана нотариалдык түрдө күбөлөндүрүлүшү керек.

-Кыргыз жараны Кыргыз Республикасында башка никеси жок болгондугу тууралуу апостилденген маалым катын Юстиция министрлигинен алуусу талапка ылайык.

Суроого Тышкы иштер министрлигинен жооп беришти.

Эгер сизде да суроолор болсо, анда "Өкмөт жооп берет" бөлүмүнө кириңиз.

Автор: Айпери Ганыжан кызы

18:44 03-02-2014

Жазылуу

РУБРИКАДАГЫ СОҢКУ КАБАРЛАР

21:29 2025-05-15 | Саясат

Кызматын алмаштырган Бекболотовдун министрлик ордунун милдетин орун басары аткарат 78 0

21:13 2025-05-15 | Саясат

Сүйүнбек Касмамбетовдун ордуна Марат Иманкулов келди 233 0

20:42 2025-05-15 | Саясат

Кыргыз-түрк экономикалык кызматташтыгы талкууланды 132 0

20:21 2025-05-15 | Коом жана турмуш

Министр Ажикеев Ак-Талаадагы жер титирөөдөн жабыркагандардан кабар алды 234 0

19:49 2025-05-15 | Түркүн дүйнө

Түркияда катуу жер титирөө болду. Зеленский ал жакта 1030 0

19:30 2025-05-15 | Коом жана турмуш

Садыр Жапаров УКМК кармаган акимди кызматынан алды 1486 0

Архив

Талкуу жабык.