Кыргызстандын жаш футболчулары алгачкы жолу Дүйнө чемпиондугуна катышат

Кыргызстандын футбол боюнча 15 жашка чейинки (U-15) өспүрүмдөр курама командасы алгачкы жолу Дүйнө чемпиондугуна катышат. Бул тууралуу кечээ, 21-октябрда Кыргыз футбол биримдигинен билдиришти.

Маалымдалгандай, 22-31-октябрда Азербайжандын Баку шаарында ФИФАны өспүрүмдөр арасындагы Дүйнө чемпиондугу орун алат. Мелдешке 2011-2012-жылдары туулган футболчулардан куралган 190 команда катышат. Кыргызстандын курама командасын башкы машыктыруучу Владимир Сало жетектейт.

Кыргызстан курама командасынын оюн жадыбалы (U тайпасы):

24-октябрь, саат 14:45 - Кыргызстан - Уганда;
25-октябрь, саат 12:15 - Кыргызстан - Эквадор;
25-октябрь, саат 20:15 - Кыргызстан - Экватордук Гвинея;
26-октябрь, саат 11:00 - Кыргызстан - Тонга;
26-октябрь, саат 19:00 - Кыргызстан - Кабо-Верде.