Исмаил Исаковго Июнь окуясы боюнча козголгон иш кыскартылды

2010-жылдагы Июнь окуясы боюнча мурдагы коргоо министри Исмаил Исаковго козголгон кылмыш иши кыскартылды. Маалыматты Жогорку Соттун басма сөз кызматы тастыктады.

Айтылгандай, мындай чечим кечээ, 28-октябрда кабыл алынган. Анын аракетинде кылмыштын курамы жок деген негизде иш өндүрүштөн кыскартылган.

Эске салсак, 2021-жылы апрель айында президент Садыр Жапаровдун тапшырмасы менен УКМК Июнь окуясы боюнча Кылмыш-жаза кодексинин "Кызмат абалынан кыянаттык менен пайдалануу" беренесинин негизинде тергөө иштерин баштаган. Буга 2010-жылдагы трагедиялуу кесепеттерге алып келген себептердин бири болгон белгилүү Кадыржан Батыровдун өлкөдөн чыгып кетиши себеп болгон. Мындан улам Убактылуу өкмөттүн мүчөлөрүнө каршы иш козголгон.

Кылмыш иши боюнча 2022-жылы бир катар саясатчылар сурак берген. Алардын арасында Садыр Жапаров жана атайын кызматтын ошол кездеги башчысы Камчыбек Ташиев да болгон.

Автор: Кылымбек Бейшеев