Өзбекстанга Роналду келбей калды. Себеби

Бүгүн, 2-ноябрда Өзбекстандын "Пахтакор" жана Сауд Арабиясынын "Аль-Наср" командалары беттешет. Бул тууралуу коңшу өлкөнүн футбол уюму билдирди.

Маалыматка ылайык, оюн Ташкент шаарындагы "Пахтакор" борбордук стадионунда өтмөкчү. Беттеш Кыргызстандын сааты боюнча 19:45те башталат.

Белгилей кетсек, "Аль-Насрдын" башкы жылдызы Криштиану Роналду бул оюнга катышпайт. Команданын машыктыруучусунун айтымында, оюнчулардын тыгыз графигине байланыштуу Роналду жана дагы эки-үч футболчуга эс алуу берилген. Эми күйөрмандардын көңүлү атактуу жылдызы жок "Аль-Насрдын" оюн талаасында кандай жыйынтык көрсөтөрүнө бурулмакчы.

Автор: Кыз-Жибек Эрмекова