Министр катышып... Өлкөдө алгачкы жолу электродсуз кардиостимулятор имплантацияланды

Кыргызстанда биринчи жолу электродсуз кардиостимулятор имплантацияланды. Бул тууралуу Саламаттык сактоо министрилиги билдирди.

Маалымдалгандай, Бишкектеги Улуттук кардиология жана терапия борборунда француз адистеринин катышуусунда эл аралык мастер-класс өтүп, анын алкагында кардиостимуляциянын алдыңкы технологиялары көрсөтүлүп, өлкөдө биринчи жолу электродсуз кардиостимулятор имплантацияланган.

Саламаттык сактоо министри Дамир Осмонов, Европа ооруканасынын француз эксперти, профессору Элуа Марижон кардиостимуляторду имплантациялоо процедурасына түздөн-түз катышкан. Практикалык сессия Live Cases форматында өтүп, рентгеноперациялык бөлмөдөн түз эфирде көрсөтүүнү, төрт клиникалык учурду сунуштоону, кардиостимуляторду имплантациялоо процессин реалдуу убакыт режиминде көрсөтүүнү жана эксперттер менен интерактивдүү талкууну камтыган.

Автор: Кылымбек Бейшеев
Фото: Саламаттыкты сактоо министрлиги