Таштандыларды мыйзамсыз таштоонун алдын алуу максатында Бишкектин Ак-Ордо конушунда 8 видеобайкоо камерасы орнотулду. Бул тууралуу кечээ, 19-ноябрда Ленин райондук администрациясы билдирди.
Маалыматка ылайык, камералар конуштагы темир жолдун жээгине жана Эркин-Тоо-25 көчөсүнө орнотулду. Бул чаранын алгачкы эки күнүндө эле таштандыларды мыйзамсыз таштоонун 3 фактысы катталды.
"Мындан ары мыйзам бузуучуларга карата мыйзамда белгиленген тартипте чаралар көрүлөт",- деп кошумчаланат маалыматта.