Исхак Раззаков атындагы Мамлекеттик техникалык университетинин командасы Бразилиянын Сан-Паулу шаарында өткөн "Enactus World Cup 2026" дүйнөлүк чемпиондугунун сынагында "Strongest Impact Potential" сыйлыгын жеңип алды. Бул тууралуу команда кабарлады.
Маалым болгондой, 12-19 ноябрда өткөн эл аралык сынакта, команда коомго оң өзгөрүүлөрдү алып келүү потенциалы жогору болгон инновациялык "KANAP" долбоорун сунуштады.
Белгилей кетсек, "Enactus" – Кыргызстанда жаштар ишкердигин жана социалдык долбоорлорду өнүктүрүү менен алектенет. Өлкөнүн ар кайсы жогорку окуу жайларында ондогон командалар иштейт жана эл аралык мелдештерге катышат.